LECTOR DO MES DE DECEMBRO.

ROI FANDIÑO ALFONSÍN É O ALUMNO DO CPI JULIA BECERRA MALVAR, QUE MÁIS LIBROS LEU, DA BIBLIOTECA DE PITICÁN, DURANTE O MES DE DECEMBRO.

PITICÁN: - COMO TE SENTÍCHES AO SABER QUE ES O LECTOR DO MES DE DECEMBRO?
ROI: - MOI IMPRESIONADO. PENSABA QUE SERÍA O SEGUNDO OU O TERCEIRO PORQUE TEÑO UN AMIGO QUE LE COMIGO E NON ESPERABA SER O PRIMEIRO.

PITICÁN: - SABES CANTOS LIBROS LECHES?
ROI: - NON.
PITICÁN: - POIS LECHES 8 LIBROS.
ROI: - NESTE MES? ESTOU SORPRENDIDO!!! NON PENSEI QUE FOSEN TANTOS!!!

PITICÁN: - A TÚA FAMILIA TAMÉN LE TANTO COMA TI?
ROI: -  NON. ESTÁN MOI OCUPADOS E NON SOEMOS LER XUNTOS. MIÑA NAI LE MÁIS, PERO MEU PAI ESTÁ MOI OCUPADO.

PITICÁN: - VISITAS A MIÚDO A BIBLIOTECA DO COLEXIO?
ROI: - BASTANTE. TODOS OS DÍAS, MENOS ALGÚN QUE VOU XOGAR A COUSAS AO PATIO.

PITICÁN: - QUE COUSAS FAS CANDO VÉS Á BIBLIOTECA?
ROI: - LEO LIBROS; FAGO OS DEBERES E, AO REMATAR, XOGO AO TRES EN RAIA, XADREZ, DOMINÓ...

PITICÁN: - CAL FOI O ÚLTIMO LIBRO QUE LECHES?
ROI: - INSECTOS Y ARÁCNIDOS E FÓSILES. LIN OS DOUS Á VEZ. (GUÍAS DE NATURALEZA. EDITORIAL BLUME).

PITICÁN: - E DOS QUE LECHES ESTE MES, CAL FOI O QUE MÁIS CHE GUSTOU?
ROI: - O DE FÓSILES PORQUE ME PARECEU MOI INTERESANTE. GÚSTAME MOITO O TEMA E O LIBRO ENSINABA COMO LIMPALOS, TRABALLALOS, ETC.

PITICÁN: - EN QUE TE FIXAS AO ELIXIR OS LIBROS QUE LEVAS EMPRESTADOS?
ROI: - FÍXOME EN QUE SEXAN NOVOS E, SE ME GUSTA O TEMA E É UNHA SERIE, SIGO LÉNDOOS ATA ACABAR A SERIE ENTEIRA.

PITICÁN: - HAI ALGÚN LIBRO QUE CHE GUSTARÍA QUE TIVESEMOS NA BIBLIOTECA E QUE NON O HAXA?
ROI: - O DE CONAN. É UNHA BANDA DESEÑADA (CÓMIC) DE MISTERIO. GUSTARÍAME QUE HOUBESE MÁIS.

PITICÁN: - EN QUE MOMENTO DO DÍA LES?
ROI: - NORMALMENTE, POLA TARDE,CANDO NON TEÑO NADA QUE FACER.

PITICÁN: - CRES QUE É IMPORTANTE LER?
ROI: - BASTANTE. AÍNDA QUE ATENDAS MOITO NA CLASE, HAI MIL COUSAS QUE NON ENSINAN. ASÍ QUE, É BO LER PARA APRENDER MÁIS.

PITICÁN: - QUE LLES DIRÍAS AOS QUE PASAN DE LER?
ROI: - POIS, QUE DEBERÍAN LER PORQUE É UNHA BOA FORMA DE ENTRETERTE E, ASÍ, PODES APRENDER MÁIS. HAI COUSAS QUE SOAMENTE SE APRENDEN LENDO.

PITICÁN: - OCÓRRESECHE ALGUNHA IDEA PARA FACER QUE VEÑAN MÁIS PERSOAS Á BIBLIOTECA?
ROI: - NON SE ME OCORRE. A BIBLIOTECA COA REFORMA CAMBIOU MOITO E, PARA MIN, É IMPRESIONANTE. ESTÁ XENIAL; SERÍA INMELLORABLE; É IMPRESIONANTE COMO CAMBOU.
HAI NENOS QUE NUNCA VAN VIR PORQUE PREFIREN IR AO PATIO E NON HAI NADA QUE FACER, A MENOS, QUE NON SE LLES DEIXE IR AO PATIO, HA, HA, HA, HA.

PITICÁN: - COÑECES O BLOG DA BIBLIOTECA?
ROI: - SEI QUE O HAI, PERO NUNCA PODO VELO PORQUE OS ORDENADORES SEMPRE ESTÁN OCUPADOS OU TEÑO QUE FACER DEBERES. NA MIÑA CASA OS ORDENADORES SON DE TRABALLO E NON NOS DEIXAN USALOS.

PITICÁN: - ROI MOITAS GRACIAS POLO TEU TEMPO E MOITOS PARABÉNS!!!!

TEMOS QUE DARLLE OS NOSOS PARABÉNS A OUTROS GRANDES LECTORES COMO SON:
UXÍA VILLAVERDE.
ALBA FONTÁN.
YASMINA TORRADO.
RODRIGO RODIÑO.
CARLA CAMIÑA.
IRENE PESQUEIRA.
CRISTIAN FALCÓN.
IVÁN BARRAL.
 VÍCTOR VÁZQUEZ.